Бусадтай хуваалцах
Монголын зах зээлд сүүлийн жилүүдэд ээжүүдийн худалдан авалтын хандлага, шалгуур үндсээрээ өөрчлөгдөөд байна. Тэд өмнө нь “Хамгийн хямд нь аль вэ?” гэж асуудаг байсан бол өнөөдөр “Миний хүүхдийн арьсанд хамгийн зөөлөн, аюулгүй нь аль вэ?” гэдэгт гол анхаарлаа хандуулах болжээ. Учир нь орчин үеийн ээжүүд зөвхөн живх худалдаж авдаггүй, харин хүүхдийнхээ гүн нойр, тав тух, арьсны эрүүл мэнд, тайван байдлыг хамтад нь сонгодог болсон юм.
Энэхүү зах зээлийн томоохон шилжилтийн үед үндэсний үйлдвэрлэгч “Бүүвэйхэн” брэнд дэлхийн түвшний чанарын шинэ баталгааг эх орондоо авчирч, хэрэглэгчдээ баярлууллаа.
Дэлхийд хамгийн өндөр нэр хүндтэйд тооцогддог Германы “Dermatest GmbH” лаборатори Бүүвэйхэн живхний хүүхдийн арьсанд хүрдэг дээд давхаргад (Top Sheet Non-Woven Fabric) клиник-дерматологийн иж бүрэн туршилт хийжээ. Шинжилгээний үр дүнд тус живхэнд хамгийн дээд үнэлгээ буюу “EXCELLENT” зэрэглэлийг олгосон байна. Тус туршилтаар Бүүвэйхэн живхийг “EXCELLENTLY TOLERATED” буюу арьсанд маш өндөр нийцтэй, ямар нэгэн харшил, цочрол өгөхгүй болохыг албан ёсоор баталгаажуулжээ.
Арьсны эмч нарын хяналт дор хийсэн сорил амжилттай боллоо:
Монгол орны эрс тэс уур амьсгал, агаарын хуурайшилт нь хүүхдийн арьсыг амархан хуурайшуулах, чийгт хэт мэдрэмтгий болгох, улмаар живхний тухгүй байдлаас шалтгаалан хүүхэд тайван бус байх эрсдэлийг тогтмол үүсгэдэг. Үүнийг сууриар нь шийдвэрлэхийн тулд “Бүүвэйхэн” брэнд нь энгийн нэгэн шингээгч живх бус, монгол хүүхдийн арьсны онцлогт бүрэн нийцсэн, олон улсын стандартын бүтээгдэхүүн хөгжүүлэхийг зорин ажиллаж ирсэн юм. Тэгвэл ээжүүдийн аль хэдийн мэдэрч, сайшааж ирсэн тус живхний сайн чанарыг олон улсын лаборатори албан ёсны шинжилгээгээр ийнхүү баталгаажуулж өглөө.
“Бүүвэйхэн” брэнд нь дотоодын зах зээлд 4 дэх жилдээ амжилттай ажиллаж, эх үрсийн хайртай сонголт болоод байна. Тэд бяцхан үрсийн тав тухыг бүрэн хангасан өмсдөг болон наадаг живхнээс гадна, дөнгөж төрсөн нярайн эрүүл мэндэд зориулсан хүйн хамгаалалттай тусгай живхийг зах зээлд нийлүүлж буй юм. Мөн хэрэглэгчдийнхээ хэрэгцээнд нийцүүлэн, Монголд анхдагч нэг удаагийн энгэрэвч, шүлсэвч, хүүхдийн маск болон спиртийн агууламжгүй нойтон салфетка зэрэг нэр төрлийн бүтээгдэхүүнүүдийг нэвтрүүлж, үйл ажиллагаагаа тасралтгүй өргөжүүлэн тэлсээр иржээ.
Өмнө нь Монголын хэрэглэгчид хүүхдийн арьс арчилгаа, живхний сонголт дээр Япон, Солонгос, Европын брэндүүдийг "Premium" гэж үзэж, илүү итгэдэг байсан. Харин өнөөдөр Монголын үндэсний брэнд өөрөө Германы лабораторийн чанарын баталгаа, олон улсын стандарт, өндөр технологийг эх орондоо нутагшуулан, дэлхийн брэндүүдтэй ижил түвшинд, тэр байтугай илүү давуу талтайгаар өрсөлдөж байна.
Бүүвэйхэн живхний зах зээлд өрсөлдөх гол давуу талууд:
Судалгаагаар нярай хүүхдийн шөнийн тав тух алдагдах үед ойр ойрхон сэрэх, тайван бус болох, улмаар живх солих давтамж нэмэгдэн ээжүүдийн амрах цаг хугацаа хумигддаг болох нь тогтоогдсон. Ээжүүдийн тайван амрах үндэс нь хүүхдийн гүн, тухтай нойр юм. Живх бол хүүхдийн арьсанд 24 цагийн турш тасралтгүй хүрдэг хамгийн урт хугацааны хэрэглээ учраас Бүүвэйхэн брэнд түүнийг илүү хуурай, илүү зөөлөн, илүү аюулгүй байлгахаар тасралтгүй хөгжүүлэлт хийж байна.
“Таны хүүхэд Монголдоо тухтай өсөх эрхтэй” хэмээх брэндийн үндсэн философи өнөөдөр ээжүүдийн бодит итгэл, хэрэглэгчдийн сэтгэл ханамж, олон улсын хараат бус лабораторийн баталгаагаар ийнхүү улам баталгаажлаа. Үндэсний үйлдвэрлэлээ дэмжиж, дэлхийн чанарыг хүүхдэдээ мэдрүүлэхийг ээжүүддээ уриалж байна.
