Хүүхдээ хөхөөр хооллох нь зөвхөн тэжээл өгөхөөс гадна эх, хүүхдийн хоорондын холбоог бэхжүүлдэг онцгой үйл явц. Гэхдээ шинэхэн ээж бүр энэ үед багагүй сорилттой тулгардаг. Хөхний өвдөлт, чинэрэлт, сүү орох үеийн тавгүй мэдрэмж зэрэг нь ээжүүдийг сандаргадаг ч бүгдийг зөв арга барилаар шийдэж болдог.

Хөхүүлэлт өвдөлтгүй байх ёстой

Хүүхэд хөхийг зөв амласан тохиолдолд огт өвдөлт мэдрэх ёсгүй. Хэрэв хөхүүлэх үед хөхний толгой хөндүүрлэж, зүсэх мэт өвдөж байвал амлах байрлал буруу байна гэсэн үг. Зөв амлуулсан үед хөхний толгой биш, нөсөөт хэсгийн ихэнх аманд нь таарах ёстой.

Хөхөө угааж савандаж болохгүй

Хөхүүлэлт бүрийн өмнө хөхөө савандаж угаах нь хөхний толгой болон нөсөөт хэсгийн байгалийн тосон бүрхүүлийг арилгаж, арьсыг хуурайшуулж, цочроох эрсдэлтэй. Хөхний толгойн орчимд байдаг жижиг булчирхайнууд нь хамгаалалтын тос ялгаруулж, хүүхэд амархан амлах, хөхний арьс хуурайшихаас сэргийлдэг учир зөвхөн цэвэр усаар шүршиж угаахад хангалттай.

Сүү орох үед анхаарах зүйлс

Төрсний дараах 2–3 хоногт эхний сүү буюу колострум ялгарч байснаа удахгүй сүү жигдэрч, хөх хүндэрч чинэрэх мэдрэмж төрдөг. Энэ үед:

• Хүүхдийг ойр ойрхон хөхүүлэх нь сүү тогтворжих, чинэрэл багасахад тустай.
• Хөхүүлээгүй удвал сүү хэт ихсэж, хөх хавагнаж, халуурч (заримдаа 39°C хүрч), хөндүүрлэж, сүүлдээ хөхний үрэвсэл (мастит) болох аюултай.
• Хэрэв хэт өвдөлт, улайлт, хатууруулалт мэдрэгдэж байвал эмчид хандах хэрэгтэй.

Зөв даруулга сонгох нь чухал

Төрсний дараа зөв хэмжээтэй, зөөлөн бүтэцтэй хөхний даруулга зүүх нь сүүг зөв урсахад туслах, сүү гоожихоос сэргийлэх, мөн хөх хэлбэрээ алдахгүй байхад чухал нөлөөтэй. Даруулгагүй явбал хөхний сүү ивлэж, арьсыг норгож, хөхний толгой цочроох магадлалтай.

🍼🩵Бүүвэйхэн — Хөхүүл ээжүүдийн итгэлтэй туслагч🩵🍼