Нярайн гэдэсний дүүрэнг гэж юу вэ?

Нярай хүүхдийн гэдэс дүүрэх нь амьдралын эхний саруудад хамгийн түгээмэл тохиолддог хоол боловсруулах тогтолцооны нэгэн хэвийн үзэгдэл юм. Хүүхдийн гэдсэнд хий ихээр хуримтлагдсанаас болж тавгүйрхэх, уйлагнах, гэдэс нь чангарч хөөх зэрэг шинж тэмдэг илэрдэг.

Нярайн гэдэс яагаад дүүрдэг вэ?

Нярай хүүхдийн хоол боловсруулах эрхтэн бүрэн хөгжөөгүй байдаг тул дараах шалтгаанаар гэдэс дүүрч болно.

• Хөхөх эсвэл угжаар хооллох үед агаар их залгих
• Хоол боловсруулах эрхтэн бүрэн гүйцэд хөгжөөгүй байх
• Гэдэсний ашигтай бичил биетний тэнцвэр бүрэлдэж байх үе
• Хэт их эсвэл хурдан хооллох
• Зарим тохиолдолд үнээний сүүний уураг, лактоз зэрэгт мэдрэг байх

Илрэх шинж тэмдэг

• Гэдэс нь хөөж томорсон мэт харагдах
• Хүүхэд тайван бус болж ойр ойрхон уйлах
• Хөлөө гэдэс рүүгээ нугалж татах
• Хий гарсны дараа тайвшрах
• Гэдэснээс хүржигнэх чимээ гарах

Гэрийн нөхцөлд хэрхэн туслах вэ?

Дараах аргууд нь хүүхдийн тав тухыг сайжруулахад тустай.

• Хооллосны дараа хүүхдийг мөрөн дээрээ босоо байрлалд 15–20 минут тэврэн хэхрүүлэх
• Гэдсийг нь цагийн зүүний дагуу зөөлөн иллэг хийх
• Хүүхдийн хөлийг дугуй хөдөлгөөнөөр зөөлөн хөдөлгөх
• Хүүхдийг зөв байрлалтай хөхүүлэх, угжны хөхлөгийн урсгал тохиромжтой эсэхийг шалгах
• Эмчийн зөвлөгөөгүйгээр эм, дусаалга хэрэглэхээс зайлсхийх