Нярайн шарлалт нь шинээр төрсөн хүүхдийн арьс, нүдний цагаан хэсэг шар өнгөтэй болохыг хэлдэг бөгөөд нярай хүүхдүүдийн дунд хамгийн түгээмэл тохиолддог эмгэгүүдийн нэг юм. Энэ нь цусан дахь билирубин хэмээх шар өнгийн пигмент ихэссэнтэй холбоотой үүсдэг. Ихэнх тохиолдолд нярайн шарлалт нь хэвийн физиологийн үзэгдэл байдаг боловч зарим үед эмчилгээ шаардлагатай эмгэгийн шинж байж болдог.

Нярайн шарлалтын төрөл

1. Физиологийн шарлалт

• Төрснөөс хойш 2–3 дахь хоногт эхэлдэг.
• 5–7 дахь хоногт хамгийн их хэмжээнд хүрдэг.
• Ихэнхдээ 1–2 долоо хоногийн дотор өөрөө арилдаг.
• Эмчилгээ шаардлагагүй байх нь элбэг.

2. Эмгэг шарлалт

• Төрсний эхний 24 цагийн дотор эхэлдэг эсвэл удаан үргэлжилдэг.
• Цусан дахь билирубин хэт өндөр болдог.
• Цусны бүлгийн үл тохирол, халдвар, дутуу төрөлт, элэгний өвчин зэрэг шалтгаантай байж болно.
• Яаралтай эмчийн үзлэг, эмчилгээ шаарддаг.



Нярайн шарлалтын шалтгаан

• Элэгний үйл ажиллагаа бүрэн хөгжөөгүй байх.
• Улаан эсийн задрал их байх.
• Дутуу төрөлт.
• Эх, хүүхдийн цусны бүлгийн үл тохирол.
• Халдвар.
• Хөхөөр хооллолт хангалтгүй байх.
• Зарим удамшлын өвчин.

Илрэх шинж тэмдэг

• Арьс шарлах.
• Нүдний цагаан хэсэг шарлах.
• Хүүхэд нойрмоглох.
• Хөхөө муу хөхөх.
• Хүнд үед чанга уйлах, таталт өгөх, сулрах зэрэг шинж илэрч болно.

Урьдчилан сэргийлэх

• Төрсний дараах эхний нэг цагийн дотор хөхүүлж эхлэх.
• Ангир уургийг заавал амлуулах.
• Хүүхдийг ойр ойрхон хөхүүлэх.
• Арьс, нүд шарлаж эхэлбэл эмчид яаралтай үзүүлэх.
• Дутуу төрсөн болон эрсдэлт нярайг тогтмол хяналтад байлгах.