Ихэнх хүүхдийг ойролцоогоор 6 сартайгаас нэмэлт хоолонд оруулж эхэлдэг. 4 сараас өмнө бор хоолонд оруулахийг зөвлөдөггүй. Хүүхэд 6 сартай болсон эсэхээс гадна дараах бэлэн байдлын шинжүүдийг харна:

• Толгой, хүзүүгээ сайн даадаг болох
• Түшлэгтэйгээр сууж чаддаг
• Хоол өгөхөд амаа нээж, сонирхдог
• Хоолыг хэлээрээ түлхэж гаргалгүй залгиж чаддаг
• Хоол руу гараа сунгах, амандаа хийх сонирхолтой болдог

Эхний хоолыг хэрхэн өгөх вэ?

Эхэндээ маш бага хэмжээгээр буюу 1–2 цайны халбага өгөж эхлэнэ . Хүүхэд дасах тусам хэмжээг аажмаар нэмэгдүүлнэ.

Эхний үед:

• Зутан, нухаш хэлбэртэй
• Зөөлөн, амархан залгигдах
• Давс, сахар нэмээгүй

Төмөр хамгийн чухал

6 сартайгаас хүүхдийн төмрийн хэрэгцээ нэмэгддэг тул зөвхөн жимс, ногоогоор хязгаарлахгүй, төмрөөр баялаг хүнс оруулах нь чухал.

Жишээ нь:

• Үхэр, хонь зэрэг мах
• Өндөг
• Төмрөөр баяжуулсан хүүхдийн каш

Махыг сайтар болгож, хүүхдийн нас, залгих чадварт тохируулан нухаж эсвэл маш зөөлөн хэлбэрээр өгнө.

 Харшил үүсгэж болзошгүй хүнс

Өндөг, газрын самар зэрэг түгээмэл харшил үүсгэгч хүнсийг хүүхэд нэмэлт хоолонд бэлэн болсон үед бага хэмжээгээр, нэг нэгээр нь танилцуулж болно. Харшлын шинж илэрвэл тухайн хүнсийг зогсоож, шаардлагатай бол эмчид хандаарай.